Ջեմ՝ պատրաստված խնձորից և խաղողից

Բաղադրիչներ

1. Սպիտակ խաղող – 1 կգ

2. Խնձոր – 1 կգ

3. Շաքարավազ – 400 գ

4. Ջուր – 100-125 մլ

Պատրաստման եղանակը

1. Խնձորը և խաղողը լվանալ, չորացնել: Խաղողի հատիկները լցնել կաթսայի մեջ:

2. Վրան ջուր լցնել և դնել կրակին: Հասցնել եռման, ցածրացնել կրակը և եփել այնքան, որպեսզի բոլոր հատիկները ճաքեն և հյութ տան:

3. Թողնել, որ խաղողը սառչի և վերածել խյուսի ընկղմվող բլենդերի միջոցով:

4. Ստացված զանգվածն անցկացնել մանր մաղով և նորից լցնել կաթսայի մեջ:

5. Խնձորները կեղևազրկել, հեռացնել սերմերը և խորանարդաձև կտրատել:

6. Խնձորն ավելացնել խաղողի զանգվածին: Եփել ցածր կրակի վրա այնքան, մինչև որ խնձորը վերածվի խյուսի:

7. Ավելացնել շաքարավազը, խառնել և եփել միջին կրակի վրա: Հենց ջեմը եռա, կրակը ցածրացնել և խառնելով եփել մոտ 15-20 րոպե: Ջեմը պետք է լավ պնդանա:

8. Պատրաստի ջեմը տաք վիճակում լցնել ստերիլ բանկաների մեջ, գլխիվայր շրջել և փաթաթել կտորով: Թողնել 1 օր:

Պատրաստեց Անի Գաբուզյանը