«Նապոլի»-«Յուվենթուս». ո՞վ կնվաճի գավաթը
Մրցաշար՝ Իտալիայի գավաթ
Մարզադաշտ՝ «Օլիմպիկո», Հռոմ
Ժամ՝ 23։00
«Նապոլի»
«Նապոլին» ձախողում է մրցաշրջանը Իտալիայի առաջնությունում. չնայած հավակնություններին և խաղացողների շատ լավ ընտրությանը, Ջենարո Գատուզոյի թիմը նույնիսկ հավակնորդ չէ լավագույն քառյակում տեղ ունենալու համար: Մինչ այժմ նեապոլիտանցիները ակտիվում 39 միավորով աղյուսակում վեցերորդն են, բայց նրանք արդեն 9 միավորով հետ են մնում չորրորդ հորիզոնականը զբաղեցնող «Ատալանտայից»։
Ինչ վերաբերում է Իտալիայի գավաթին, ապա այս մրցաշարում Գատուզոյի թիմը իրեն ցուցաբերեց լավագույն կողմից: Քառորդ եզրափակչում «Նապոլիին» հաջողվեց նոկաուտի ենթարկել այնպիսի դժվար մրցակցի, ինչպիսին էր «Լացիոն», այնուհետև՝ «Ինտերը»: Միլանում անսպասելի 1:0 հաշվով տարած հաղթանակից հետո նեապոլիտանցիները իրենց դաշտում պահեցին ցանկալի ոչ-ոքի (1:1) արդյունքը՝ ցուցադրելով գերազանց ֆուտբոլ և դուրս գալով եզրափակիչ:
«Յուվենթուս»
Առաջնությունում «Յուվենթուսը» շարունակում է մնալ առաջատարը, բայց Մաուրիսիո Սարրիի թիմին դժվար թե հեշտ կյանք սպասվի: Երկրորդ տեղում ընթացող «Լացիոյից» տարբերությունը ընդամենը մեկ միավոր է, այնպես որ ցանկացած սխալ կարող է չեմպիոնությունից զրկել «Ծեր սենյորային»:
«Յուվենթուսը» այս մրցաշրջանում արդեն կորցրել է մեկ գավաթ՝ Իտալիայի Սուպերգավաթի խաղարկությունում․ թիմը պարտվեց «Լացիոյին»՝ բոլոր առումներով պարտվելով մրցակցին: Չեմպիոնների լիգայում «Ծեր սենյորան» դուրս եկավ փլեյ-օֆֆ, որտեղ առաջին խաղում 0:1 հաշվով զիջեց «Լիոնին», բայց կա նաև պատասխան հանդիպում, որտեղ «Յուվեն» կարող է լիարժեք վերականգնվել:
Իտալիայի գավաթում «Յուվենթուսը» քառորդ եզրափակչում նոկաուտի ենթարկեց «Ռոմային», այնուհետև «Միլանին» անցավ մեծ դժվարությամբ. «Յուվենթուսը» եզրափակչի ուղեգիր ձեռք բերեց շնորհիվ արտագնա գոլի:
Վիճակագրություն
- Վերջին չորս հանդիպումներում «Նապոլին» երեք անգամ պարտվել է «Յուվենթուսին»
- Բոլոր մրցաշարերի վերջին վեց հանդիպումներից միայն մեկում է «Յուվենթուսը» պարտվել
- Վերջին չորս հանդիպումներից յուրաքանչյուրում «Նապոլին» գոլ է բաց թողել
Ընդմիջումից հետո առաջին խաղում «Յուվենթուսը» բարձր մակարդակի ֆուտբոլ չցուցադրեց՝ չկարողանալով տանը հաղթել այն թիմին, որը գրեթե ամբողջ հանդիպումը անցկացրեց փոքրամասնությամբ: Ակնհայտ է, որ թիմին պետք կլինի ժամանակ՝ մարզավիճակ հավաքելու և կայծակնային ֆուտբոլ խաղալու համար։
Ինչ վերաբերում է «Նապոլիին», ապա նեապոլիտանցիները հիանալի տեսք ունեին «Ինտերի» դեմ խաղում. նրանք պատասխանեցին մրցակցին գոլով և երկրորդ գոլի հնարավորություն ունեին: Այնուամենայնիվ, Գատուզոյի թիմը կարգով ակնհայտորեն զիջում է «Յուվենթուսին», կարանտինային ընդմիջումը դժվար թե լուծի թիմի խաղի բոլոր խնդիրները, ուստի «Ծեր սենյորան», անշուշտ, ավելի շատ շանսեր ունի գավաթի խաղարկության համար:
Սիրարփի Աղաբաբյան
