Դիլիջանում կստեղծվի ՊՆ «Լեռնային Հայաստան» հանգստյան տուն»
Կառավարությունն ապրիլի 9-ի նիստում ընդունեց որոշում Պաշտպանության նախարարության «Լեռնային Հայաստան» հանգստյան տուն» ՊՈԱԿ ստեղծելու մասին:
Հանգստյան տունը կգտնվի Տավուշի մարզի Դիլիջան քաղաքում և կգործի զինծառայողների և նրանց ընտանիքների անդամների, զինվորական կենսաթոշակի իրավունք ունեցող անձանց հանգստի, ֆիզիոթերապևտիկ և վերականգնողական առողջարանային բուժման համար:
Հանգստյան գոտին ունենալու է ժամանցի, մարզաառողջարանային և զբոսաշրջային միջոցառումների վայրեր, այնտեղ կկազմակերպվեն նաև ֆիզիոթերապևտիկ և վերականգնողական բուժման կարիք ունեցողների բուժական համալիր միջոցառումներ:
Կառավարության ընդունած որոշման համաձայն՝ հանգստյան գոտում հնարավորություն կտրվի նաև իրականացնել վճարովի ծառայություններ՝ Պաշտպանության նախարարի հրամանով հաստատված կարգով, պայմաններով և չափերով։
