Րաֆֆի Հովհաննիսյանի փոխարեն Ազգային ժողով կանցնի Թևան Պողոսյանը
Այսօր ԱԺ ճեպազրույցի ժամանակ «Ժառանգություն» խմբակցության ղեկավար Ռուբեն Հակոբյանը լրագրողներին հայտնել է, որ «Ժառանգություն» կուսակցության առաջնորդ Րաֆֆի Հովհաննիսյանի փոխարեն Ազգային ժողով կանցնի ընտրացուցակի 6-րդ համարը զբաղեցնող Թևան Պողոսյանը:
Ի դեպ, Ռուբեն Հակոբյանը նաև նշել է, որ «Ժառանգությունը» Ավան վարչական շրջանն ընդգրկող թիվ 1 ընտրատարածքում առաջադրելու է Ստեփան Սաֆարյանին:
Հիշեցնենք, որ «Ժառանգություն» կուսակցության նախագահ Րաֆֆի Հովհաննիսյանը սեպտեմբերի 10-ին տեղի ունեցած ԱԺ նիստի ժամանակ հրաժարականի մասին դիմում էր ներկայացրել:
