Իսլամիստները Լիբիայում ԱՄՆ դեսպանին խեղդամահ են արել
Լիբիայի Բենգազի քաղաքում ԱՄՆ-ի հյուպատոսարանի վրա իրականացված հարձակման հետևանքով սպանվել է Լիբիայում ԱՄՆ դեսպան Քրիստոֆեր Սթիվենսը, հայտնում է BBC-ն:
Հարձակման թիրախը Լիբիայի արևելյան Բենգազի քաղաքի ԱՄՆ հյուպատոսարանն է եղել, իսկ պատճառը՝ ամերիկյան արտադրության ֆիլմը, որը, ըստ լիբիացիների, վիրավորում է Մուհամեդ մարգարեին:
ԱՄՆ-ի Պետդեպարտամենտը հաստատում է մեկ պաշտոնյայի սպանության մասին տեղեկությունները, սակայն չի հստակեցնում ով լինելը: Փոխարենը նման պնդում են արել Լիբիայի իշխանությունները:
Զինված ամբոխը հրաձգություն է սկսել և ինքնաշեն ռումբեր պայթեցրել դեսպանատան տարածքում: Լիբիացի պաշտոնյայի խոսքով՝ դեսպանին խեղդամահ են արել: Ըստ Reuters-ի՝ դեսպանի մահվան լուրը որպես փաստ հաստատել է Լիբիայի փոխվարչապետը:
Տվյալներ կան նաև դեսպանատան 3 այլ աշխատակիցների մահվան մասին:
