Չեմպիոնների լիգա․ օրվա խաղերի անոնսը

Ազգային հավաքականների խաղերի համար նախատեսված ընդմիջումից հետո Չեմպիոնների լիգայի խմբային փուլը շարունակվում է։ Այսօր կայանալու է 8 հանդիպում, որոնցում ֆավորիտները կարծես հայտնի են, բայց հնարավոր են նաև շատ անակնկալներ։

«Գալաթասարայ»-«Ռեալ Մադրիդ»

«Գալաթասարայը»  Չեմպիոնների լիգայում դեռ հաջողակ չէ. երկու տուրից հետո Ֆաթիհ Տերիմայի թիմն ունի ընդամենը մեկ միավոր, որի արդյունքում թիմը գրավում է աղյուսակի նախավերջին տեղը:

Առաջին տուրում «Գալաթասարայը» չարդարացրեց երկրպագուների կանխատեսումները՝ «Բրյուգեի» հետ ոչ-ոքի խաղալով՝ 0:0։ Երկրորդ խաղում թիմը 0:1 հաշվով զիջեց ՊՍԺ-ին՝ զգալիորեն թուլացնելով իր դիրքերը:

«Ռեալն» այս մրցաշրջանում չի ցուցադրում իր լավագույն խաղը. Զինեդին Զիդանի թիմն իր խմբում վերջինն է՝ երկու տուրերի արդյունքներից հետո: Չեմպիոնների լիգայի խմբային փուլի մեկնարկային խաղում «սերուցքայինները» պարտվեցին ՊՍԺ-ին 0:3 հաշվով։ Դրանից հետո նրանք իրենց դաշտում գրեթե պարտվում էին «Բրյուգեին», բայց կարողացան բելգիացիներին երկու գոլ խփել և վաստակել մրցաշարի առաջին միավորը:

Վերջին տուրում «Գալաթասարայը» բավականին լավ խաղաց ՊՍԺ-ի հետ խաղում, բայց ի վերջո պարտվեց փորձառու մրցակցին: Թուրքական թիմն այլևս նահանջելու տեղ չունի, և այսօր, ամենայն հավանականությամբ, կփորձի պայքարել «Ռեալի» դեմ։ Տանտերերը, ամենայն հավանականությամբ, կկատարեն հիմնական խաղադրույքը պաշտպանության վրա, ինչը շատ դժվարություններ կստեղծի «Ռեալի» համար՝ հաշվի առնելով մադրիդցիների ոչ գոհացուցիչ արդյունքները սեփական պատերից դուրս:

«Տոտենհեմ»-«Ցրվենա Զվեզդա»

«Տոտենհեմը» չի անցկացնում իր լավագույն մրցաշրջանը. թիմն ինը տուրից հետո Պրեմիեր լիգայում միայն յոթերորդն է, իսկ Չեմպիոնների լիգայում առհասարակ հաջողակ չէ: Առաջին տուրում՝ «Օլիմպիակոսի» դեմ խաղում, Մաուրիսիո Պոչետինոյի թիմն ուներ երկու գոլի առավելություն, բայց թույլ տվեց հույներին վերականգնել հաշիվը։ Վերջին հանդիպումն անգլիական ակումբը երկար չի մոռանա՝ 2:7 «Բավարիայի» հետ խաղում։ Հիմա «Տոտենհեմը» խմբում վերջինն է:

«Ցրվենա Զվեզդան» Չեմպիոնների լիգայում ցուցադրում է բավականին որակյալ ֆուտբոլ և, հակառակ բոլոր կանխատեսումներին, երկու տուրից հետո խմբում գրավում է երկրորդ տեղը: Առաջին հանդիպման ժամանակ Վլադան Միլոևիչի ֆուտբոլիստները չկարողացան որևէ բան անել «Բավարիայի» հետ՝ պարտվելով 0:3 հաշվով, բայց շտկեցին իրավիճակը «Օլիմպիակոսի» հետ տնային խաղում՝ 3:1 հաշվով հաղթելով մրցակցին Բելգրադում:

«Տոտենհեմը» ձախողեց Չեմպիոնների լիգայի առաջին երկու տուրերը, բայց հիանալի հնարավորություն ունի իրավիճակը շտկելու համար. «Ցրվենա Զվեզդայի» նկատմամբ երկու հաղթանակը նրանց կվերադարձնի փլեյ-օֆի մրցավազք: Այնուամենայնիվ, տանտերերը դժվար թե հույսը դնեն հեշտ հաղթանակի վրա. «Ցրվենա Զվեզդան», չնայած դասակարգով զիջում է, կարողանում է որակյալ պաշտպանվել:

Նման մոտեցումը կարող է լուրջ խնդիր հանդիսանալ «Տոտենհեմի» համար, որը վերջին շրջանում լուրջ խնդիրներ է ունենում խփած գոլերի հետ:

«Յուվենթուս»-«Լոկոմոտիվ»

«Յուվենթուսը» մրցաշրջանը սկսեց շատ որակով․ Մաուրիսիո Սարիի թիմը հաջող հանդես եկավ՝ ինչպես Ա Սերիայում, այնպես էլ՝ Չեմպիոնների լիգայում: Առաջնության 8 տուրից հետո «Ծեր սենյորան» 22 միավորով գրավում է առաջին տեղը՝ չորս միավորով գերազանցելով ամենամոտ մրցակցին՝ ի դեմս «Ինտերի»: Վերջին տուրում «Յուվենթուսն» առանց դժվարության ոչ-ոքի խաղաց «Բոլոնիայի» հետ (2:1)՝ գրանցելով վեցերորդ անընդմեջ հաղթանակը:

Չեմպիոնների լիգայում «Յուվենթուսը» նույնպես լավն է. առաջին տուրում Իտալիայի չեմպիոնը բոլոր հնարավորություններն ուներ Մադրիդում երեք միավոր վաստակելու համար, բայց բաց թողեց երկու գոլ և «Ատլետիկոյի» հետ ոչ-ոքի խաղաց՝ 2:2: Երկրորդ տուրում «Բայերը» խնդիրներ չստեղծեց. «Յուվենթուսը» երեք գնդակ ուղարկեց մրցակցի դարպասը:

«Լոկոմոտիվը» Չեմպիոնների լիգայի առաջին տուրում անակնկալ մատուցեց։ Հակառակ բոլոր կանխատեսումներին, Յուրի Սյոմինի թիմը հաղթեց «Բայերին»: 2:1 հաշվով հաղթանակը լիովին արդարացի էր, գերմանացիներն այդ գիշեր ավելին չէին կարող անել: Այնուամենայնիվ, «երկաթուղայինները» չկարողացան հաջողություն զարգացնել։ Երկրորդ փուլում նրանք տանը 0:2 հաշվով պարտվեցին «Ատլետիկոյին»:

Պրեմիեր լիգայում «Լոկոմոտիվը» շատ հզոր է, և 13 տուրերից հետո թիմն առաջնության առաջատարն է: Այնուամենայնիվ, պայքարը դեռ առջևում է։ Երկրորդ «Զենիթը» նույնպես ունի 29 միավոր, բայց հետ է մնում լրացուցիչ ցուցանիշներով, իսկ «Կրասնոդարը» և «Ռոստովը» մոտ են: Վերջին տուրում «Լոկոմոտիվը» 2:0 հաշվով առավելության հասավ «Ախմատի»  նկատմամբ՝ առաջնությունում նվաճելով հինգերորդ անընդմեջ հաղթանակը:

«Յուվենթուսը» պայքարի անվիճելի ֆավորիտն է։ Իտալիայի չեմպիոնը դասով և փորձով գերազանցում է «Լոկոմոտիվին» և այժմ գտնվում է հիանալի մարզավիճակում: Այնուամենայնիվ, «երկաթուղայիններն» առանց պայքարի խաղը չեն հանձնի։ Այժմ նրանք նույնպես լավ մարզավիճակում են և հիմնականում շեշտը դնում են պաշտպանության վրա:

«Օլիմպիակոս»-«Բավարիա»

«Օլիմպիակոսը» շատ լավ անցկացրեց Չեմպիոնների լիգայի որակավորման փուլը՝ հեշտությամբ լուծելով հարցերը «Վիկտորիայի», «Բաշեշխիրի» և «Կրասնոդարի» հետ: Խմբային փուլի առաջին տուրում Պեդրո Մարտինսի թիմը, չնայած բոլոր կանխատեսումներին, «Տոտենհեմի» դեմ խաղում ոչ-ոքի խաղաց՝ 2:2։

Երկրորդ խաղում հունական թիմը չկարողացավ միավորներ վաստակել «Ցրվենա Զվեզդայի» հետ խաղում։ Այժմ հունական թիմը երրորդն է խմբում՝  ակտիվում ունենալով 1 միավոր։

«Բավարիան» սովորականի պես լավ մեկնարկեց մրցաշրջանը Չեմպիոնների լիգայում։ Առաջին տուրում Նիկո Կովաչի թիմը «Ցրվենա Զվեզդայի» դեմ խաղում երեք միավոր վաստակեց՝ չնայած առաջինը գոլ բաց թողեց։

Ի տարբերություն սերբական թիմի՝ անգլիական «Տոտենհեմին» Գերմանիայի չեմպիոնները չխղճացին և մրցակցի դարպասն  ուղարկեցին 7 գոլ։

«Մանչեսթեր Սիթի»-«Ատալանտա»

Անցած մրցաշրջանում «Մանչեսթեր Սիթին» նվաճեց Անգլիայի չեմպիոնի տիտղոսը, իսկ այս տարի ինը տուրերից հետո թիմն ունի 19 միավոր: «Կրիստալ Փելասի» նկատմամբ վերջին խաղում (2:0) հաղթելուց հետո տանտերերը Պրեմիեր լիգայի աղյուսակում գրավեցին երկրորդ տեղը:

«Սիթին» Անգլիայի առաջնության ամենաարդյունավետ թիմն է` խփած 29 գոլով: Իսկ լավագույն ռմբարկուն այսօր Ագուերոն է (ութ գոլ):

Չեմպիոնների լիգայի խմբային փուլի երկու տուրից հետո «Մանչեսթեր Սիթին»  վստահորեն գլխավորում է խմբային աղյուսակը։

«Ատալանտան» անցած մրցաշրջանում Իտալիայի առաջնության բրոնզե մեդալակիրն էր և ներկայումս գտնվում է նույն դիրքում: Ութ տուրից հետո թիմն ակտիվում հինգ հաղթանակ և երկու ոչ-ոքի ունի, մինչդեռ այն Իտալիայի լավագույն հարձակումն ունի` խփած 21 գոլով: Վերջին տուրում «Ատալանտան» ոչ-ոքի խաղաց «Լացիոյի» հետ (3:3)։

Չեմպիոնների լիգայի խմբում իտալացիները ոչ մի միավոր չեն վաստակել և գրավում են վերջին տեղը: Առաջին խաղում թիմը պարտվեց Զագրեբում (0:4), իսկ երկրորդում սեփական դաշտում պարտվեց Դոնեցկի «Շախտյորին» (1:2):

«Բրյուգե»-ՊՍԺ

«Բրյուգեն» համարվում էր իր խմբի հիմնական աութսայդերներից մեկը մինչև խմբային փուլի մեկնարկը, բայց հակառակ բոլոր կանխատեսումների՝ երկու տուրից հետո Ֆիլիպ Կլեմենտսի թիմը գրավում է երկրորդ տեղը: Առաջին տուրում բելգիացիները միավորներ վաստակեցին՝ «Գալաթասարայի» հետ խաղում ոչ-ոքի խաղալով։ Երկրորդ տուրում թիմը կարող էր հաղթել «Ռեալին», բայց բաց թողեց երկու գոլ։

ՊՍԺ-ն շատ վստահ է սկսել մրցաշարը։ Երկու տուրից հետո Թոմաս Տուխելի թիմը խմբի միանձնյա առաջատարն է: Առաջին տուրում փարիզցիները հեշտությամբ հաղթեցին «Ռեալին» իրենց դաշտում՝ 3:0՝ ձեռք բերելով կարևոր առավելություն իրենց հիմնական մրցակցից: Երկրորդ խաղում ՊՍԺ-ն խնդիրներ ունեցավ «Գալաթասարայի» հետ խաղի ընթացքում, բայց կարողացավ գոլ խփել, ինչը, ի վերջո, դարձավ հաղթական:

«Շախտյոր» Դոնեցկ-«Դինամո» Զագրեբ

«Շախտյորը» ևս մեկ անգամ դարձավ Ուկրաինայի չեմպիոն։ Ընթացիկ մրցաշարում թիմն Ուկրաինայի պրեմիեր լիգայում հանդես է գալիս 100 տոկոս արդյունքով.11 հաղթանակ՝ 11 տուրում։

Չեմպիոնների լիգայի խմբային փուլում թիմը սկսեց «Մանչեսթեր Սիթիից» կրած պարտությամբ (0:3), իսկ երկրորդ խաղում նրանք հաղթեցին «Ատալանտային» (1:2)։

«Դինամոն» նախորդ մրցաշրջանում Խորվաթիայի չեմպիոնն է, իսկ 11 տուրից հետո նոր մրցաշարում գրավում է առաջին տեղը՝ ակտիվում ունենալով ութ հաղթանակ և մեկ ոչ-ոքի: Խորվաթական լիգայի  վերջին խաղում «Բրյուգեն» արտագնա խաղում հաղթեց «Գորիցային» (4 2):

Չեմպիոնների լիգայի խմբային փուլի առաջին տուրում «Զագրեբն» անսպասելիորեն զիջեց «Ատալանտային» (4:0), իսկ «Մանչեսթեր Սիթիին»  պարտվելուց հետո (0:2) թիմը գրավեց աղյուսակի երկրորդ տեղը:

«Ատլետիկո»-«Բայեր»

«Ատլետիկոն» բավականին պատշաճ մակարդակով անցկացրեց Չեմպիոնների լիգայի նախորդ երկու տուրերը, որից հետո գտնվում է աղյուսակի երկրորդ տեղում: Առաջին տուրում Դիեգո Սիմեոնեի թիմը շատ մոտ էր պարտությանը` մինչև 70-րդ րոպեն թիմն իր դաշտում 0:2 հաշվով պարտվում էր «Յուվենթուսին», բայց վերջում կարողացավ երկու անգամ գոլ խփել և վերականգնել հաշիվը:

Երկրորդ փուլը նույնպես հեշտ չէր մադրիդցիների համար. Մոսկվայում նրանք հանդիպեցին «Լոկոմոտիվի» հետ: Ռուսները ցույց տվեցին արժանապատիվ դիմադրություն, բայց երկրորդ խաղակեսի սկզբում երկու անգամ գոլ բաց թողեցին: Այսպիսով, չորս միավորով «Ատլետիկոն» երկրորդն է՝ երկու միավորով հետ մնալով առաջատար «Յուվենթուսից»:

«Բայերն» առաջին տուրում հանդիպեց մոսկովյան «Լոկոմոտիվին» և համարվում էր հանդիպման հստակ ֆավորիտը, բայց հակառակ բոլոր կանխատեսումներին՝ չկարողացավ անգամ մեկ միավոր վաստակել: 1:2 հաշվով պարտությունը Պիտեր Բոշի թիմին պարտավորեցրեց միավորներ վերցնել Թուրինում «Յուվենթուսի» դեմ խաղում, բայց գերմանական ակումբն այստեղ նույնպես ձախողվեց՝ բաց թողնելով մրցակցից երեք անպատասխան գնդակ:

Սիրարփի Աղաբաբյան