Ֆելիքս Ցոլակյանն այցելել է Երևան քաղաքի երեք հրշեջ-փրկարարական ջոկատներ
Հայաստանի Հանրապետության արտակարգ իրավիճակների նախարար Ֆելիքս Ցոլակյանն այցելել է մայրաքաղաքի թիվ 1, 3 և 8 հրշեջ-փրկարարական ջոկատներ, ինչպես նաև Երևանի փրկարարական վարչություն:
Ինչպես տեղեկացրին ՀՀարտակարգ իրավիճակների նախարարությունից, այցի նպատակն էր ծանոթանալ Երևանի փրկարարական վարչության և հրշեջ-փրկարարական ջոկատների ընթացիկ աշխատանքներին, գույքային և տեխնիկական կարողություններին և առկա խնդիրներին: Շրջելով ստորաբաժանումների տարածքում՝ ԱԻ նախարարը ծանոթացել է շինությունների վիճակին և գույքային ապահովվածությանը, զրուցել ԱԻՆ աշխատակիցների հետ:
Երևան քաղաքի փրկարարական վարչությունում անցկացրած խորհրդակցության ընթացքում Ֆելիքս Ցոլակյանը առկա թերությունների վերաբերյալ տվել է մի շարք հանձնարարականներ և ցուցումներ:
