Տիգրանաշենը Հայաստանի տարա՞ծք է, այո՞, թե՞ ոչ. Ռուբեն Ռուբինյանը խուսափեց այն հայկական անվանել
9-րդ գումարման ԱԺ առաջին նիտին «Հայաստան» խմբակցության պատգամավոր Մեսրոպ Մանուկյանն ԱԺ նախագահի թեկնածու Ռուբեն Ռուբինյանին առաջարկեց հստակ, կոնկրետ ասել՝ Տիգրանաշենը ՀՀ տարա՞ծք է, թե՞ ոչ:
«Վերջին 8 տարիներին լինելով պետական պաշտոնյա, Ձեր տրամաբանությամբ, Տիգրանաշենը ՀՀ տարա՞ծք է, թե՞ ոչ, հստակ կա՞ դրա պատասխանը՝ այո կամ ոչ: Պատասխանեք Իշխան Սաղաթելյանի հարցին, որը կրկնում եմ»,-դիմեց Ռուբինյանին ընդդիմադիր պատգամավորը:
ԱԺ նախագահի իշխանական թեկնածու Ռուբինյանը, սակայն, խուսափեց Տիգրանաշենը անվանել հայկական տարածք:
«Ինչ վերաբերում է պարոն Սաղաթելյանի հարցին, ես դրան արդեն պատասխանել եմ սպառիչ»,-շեշտեց Ռուբինյանը:
Մեսրոպ Մանուկյանը հակադարձեց. «Սպառիչ պատասխան չի եղել, ասեք՝ հայկական տարա՞ծք է, թե՞ ոչ, այո կամ ոչ»:
Սրանից հետո Ռուբինյանը հավելեց.
«ՀՀ ինքնիշխան տարածքը կազմում է 29 743 քկմ, բոլորը գիտեն, թե որն է միջազգայնորեն ճանաչված ՀՀ ինքնիշխան տարածքը: Իսկ ինչ վերաբերում է անկլավների հարցերին, դրանք լուծվելու են սահմանազատման հանձնաժողովների շրջանակներում, ինչպես ՀՀ վարչապետը բազմիցս հայտարարել է: Եվ այստեղ լավ լուրն այն է, որ կարծես ըմբռնում կա նաև ադրբեջանական կողմից, որովհետև իրենք էլ են հայտարարում, որ այդ հարցը սահմանազատման հանձնաժողովների շրջանակներում է լուծվելու: Այսինքն, կա ըմբռնում, կարող են լինել տարբեր տարբերակներ, բայց հիմա այդ հարցով որևէ որոշում չկա»:
Սա ևս մեկ անգամ ապացույց է այն բանի, որ Նիկոլ Փաշինյանն առաջիկայում Տիգրանաշենը հանձնելու է Ալիևին:
Մանրամասները՝ տեսանյութում:
