Երասխահուն բնակավայրում գյուղացու քրտինքով աճեցված բերքը հողին է հավասարեցվել

Երեկ՝ հուլիսի 6–ին, հանրապետությունում տեղացած հորդառատ անձրևներն ու քամիները իրենց սև գործն են արել նաև Արմավիրի մարզի Մեծամոր խոշորացված համայնքի Երասխահուն բնակավայրում։ Հայտնում է Shamshyan.com-ը։

Գյուղացիները աղբյուրի հետ զրույցում նշում են․ «Ճիշտ ա՝ բնության դեմ մենք անզոր ենք, և հիմնական պատճառը եղել են ուժեղ քամին, անձրևն ու կարկուտը, ինչի հետևանքով մարդիկ միլիոններով վնաս են կրել, տան տանիքներ ու էլեկտրասյուներ են կոտրվել, ջերմոցային տնտեսություններ ու ցանքատարածություններ են վնասվել, ու տուժածների մեծ մասը բանկերից վարկեր էր վերցրել։ Այսօր արդեն հայտնվել ենք կոտրած տաշտակի առաջ»։