Reuters-ը նշել է ԱՄՆ-ի և Իրանի միջև հուշագրի սևագիր տարբերակի հնարավոր պայմանները
Reuters-ը նշել է ԱՄՆ-ի և Իրանի միջև հուշագրի սևագիր տարբերակի հնարավոր պայմանները.
Reuters գործակալությունը հայտնել է ԱՄՆ-ի և Իրանի միջև հուշագրի սևագիր տարբերակի հնարավոր պայմանների մասին։
Բարձրաստիճան իրանցի պաշտոնյաներին հղումով Reuters-ի ներկայացրած տեղեկություններով, համաձայնագրի նախագծի շրջանակում Թեհրանը պետք է պարտավորվի չարտադրել և չստանալ միջուկային զենք։
Նաև ենթադրվում է, որ Իրանը պետք է նվազեցնի հարստացված ուրանի մակարդակը, ընդ որում կոնկրետ մեխանիզմը կքննարկվի առաջիկա 60 օրվա ընթացքում։ Այլ հնարավոր պայմանների թվում են ուրանի հարստացման լիակատար արգելքը և Իրանում միջուկային ենթակառուցվածքի ընդլայնման արգելքը։
Ի պատասխան՝ ըստ այս տվյալների, ԱՄՆ-ն կարող է ժամանակավորապես մեղմել նավթային պատժամիջոցները, ինչը Թեհրանին թույլ կտա նավթ վաճառել և եկամուտներ ստանալ։ Նաև, ինչպես պնդվում է, Վաշինգտոնը պարտավորվում է վերջնական համաձայնության հասնելուց առաջ նոր պատժամիջոցներ չսահմանել։
Առանձին նշվում է, որ ԱՄՆ-ն կարող է համաձայնել սառեցումից հանել իրանական ակտիվների շուրջ 25 միլիարդ դոլարը, ներառյալ հնարավոր ուղիղ դրամական փոխանցումները։
Բացի այդ, սևագրում հիշատակվում է Հորմուզի նեղուցը առևտրային նավարկության համար անհապաղ բացելու պահանջը, մինչդեռ, ինչպես պնդվում է, ԱՄՆ-ն պետք է վերացնի տարածաշրջանում ռազմածովային սահմանափակումները։
