Իրանը հայտարարել է, որ ԱՄՆ-ի կողմից հրադադարի ռեժիմի խախտումները վնասում են դիվանագիտությանը
Իրանի արտաքին գործերի նախարարության խոսնակ Էսմայիլ Բաղային հայտարարել է, որ ԱՄՆ-ի հակասական հայտարարությունները և հրադադարի ռեժիմի բազմաթիվ խախտումները վնաս են հասցրել դիվանագիտական գործընթացին։ Այս մասին հաղորդում է Tasnim լրատվական գործակալությունը։
«Իրանի զինված ուժերը ոչ մի րոպե չեն երկմտի պատասխան տալու համար, երբ դա անհրաժեշտ համարեն», – նշել է խոսնակը։
Բաղային հավելել է, որ իշխանության թևերը լիովին համակարգված են և երկրի պաշտպանության համար կկիրառեն դիվանագիտություն կամ ռազմական ուժ։
Գիշերը ԱՄՆ կենտրոնական հրամանատարությունը (CENTCOM) հայտնել էր, որ հարվածներ է հասցրել Իրանին՝ ի պատասխան ամերիկյան Apache ուղղաթիռի խոցման: CENTCOM-ի տվյալներով՝ գործողության ընթացքում խոցվել են իրանական ՀՕՊ օբյեկտներ, կառավարման ցամաքային կայաններ և Հորմուզի նեղուցի մերձակայքում գտնվող հսկողության ռադիոտեղորոշիչ կայաններ։
Ի պատասխան ԱՄՆ հարվածների՝ Իրանը հարվածներ է հասցրել Հորդանանում, Բահրեյնում և Քուվեյթում գտնվող ամերիկյան օբյեկտների։
