ԵԱՏՄ․ արդյունաբերական ներուժի բացահայտում
ԵՏՀ-ում տեղի է ունեցել թեմատիկ գիտագործնական համաժողով՝ նվիրված ԵԱՏՄ շրջանակում արդյունաբերության զարգացման հարցերին։
Միջոցառման ընթացքում քննարկվել են արտադրական և գիտատեխնիկական համագործակցության խորացման, արդյունաբերության առանցքային ոլորտներում ներմուծումներից կախվածության նվազեցման, ինչպես նաև համատեղ նախագծերի աջակցության վերազգային գործիքների ներդրման հարցերը։
ԵՏՀ արդյունաբերական քաղաքականության վարչության տնօրեն Նիկոլայ Կուշնարևը նշել է, որ համագործակցության զարգացման համար անհրաժեշտ է շեշտադրումը պատրաստի արտադրանքի մատակարարումներից տեղափոխել դեպի բաղադրիչների, հանգույցների և առանձին տեխնոլոգիական գործողությունների մակարդակով կայուն կապերի ձևավորում՝ ներառյալ ենթակապալառության մեխանիզմների կիրառումը։
Այս ուղղությամբ առաջնահերթ ոլորտներ են համարվել մեքենաշինությունը, էլեկտրասարքավորումների արտադրությունը, ավտոմոբիլաշինությունը, քիմիական և դեղագործական արդյունաբերությունը, ինչպես նաև տեքստիլ և կաշվե-կոշիկի ոլորտները։
