Թուրքիան հույս ունի, որ Ուկրաինայի հարցով բանակցությունները կվերսկսվեն
Թուրքիան ակնկալում է Ուկրաինայի հարցով ակտիվ բանակցությունների վերսկսում և ուշադիր կհետևի ԱՄՆ ներկայացուցիչների այցին Մոսկվա, РИА Новости-ին հայտնել է թուրքական դիվանագիտական աղբյուրը։
ԱՄՆ նախագահի հատուկ ներկայացուցիչ Սթիվ Ուիթքոֆը և ամերիկացի առաջնորդի փեսան՝ Ջարեդ Քուշները, կարող են առաջիկա շաբաթներին այցելել Ռուսաստան, ավելի վաղ հայտարարել էր Ռուսաստանի նախագահի օգնական Յուրի Ուշակովը։
«Անկարան ուշադիր կհետևի ԱՄՆ նախագահի հատուկ ներկայացուցիչ Սթիվ Ուիթքոֆի Մոսկվա հնարավոր այցին։ Թուրքական կողմը հույս ունի, որ ԱՄՆ-ի և Ռուսաստանի միջև շփումները կարող են նպաստել Ուկրաինայի հարցով ավելի ակտիվ բանակցային գործընթացի վերսկսմանը»,- ասել է գործակալության աղբյուրը։
