Իրանը հայտնել է Հորմուզի նեղուցով տարանցիկ մեխանիզմ քննարկելու նպատակով Օմանի հետ հանդիպման մասին
Իրանի և Օմանի տեխնիկական թիմերը հանդիպել են Օմանում՝ Հորմուզի նեղուցում անվտանգ տարանցիկ մեխանիզմի շուրջ բանակցելու համար: Ինչպես հաղորդում է Tasnim լրատվական կայքը, այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային։
Նա նշել է, որ անցյալ շաբաթ բանակցությունները կենտրոնացած էին միջազգային օրենքների համաձայն շրջանակի ստեղծման վրա՝ «այս աշխատանքը կատարելու» մեխանիզմ պատրաստելու համար։
Բաղային հավելել է, որ Իրանը կապի մեջ է Օմանի և այլ շահագրգիռ կողմերի հետ։ Քննարկումները օմանցի գործընկերների հետ փորձագիտական մակարդակով կշարունակվեն հաջորդ շաբաթ։
