Խաբի Ալոնսոն կարող է դառնալ «Չելսիի» գլխավոր մարզիչը
«Չելսին» դիտարկում է Խաբի Ալոնսոյին թիմի գլխավոր մարզչի պաշտոնին հրավիրելու հնարավորությունը, հաղորդում է The Athletic-ը։
Հրապարակման համաձայն՝ 44-ամյա իսպանացի մարզիչը չի բացառում այս հնարավորությունը։ Սակայն վերջնական որոշում դեռևս չի կայացվել, և բանակցությունները շարունակվում են։
Թափուր պաշտոնի համար այլ թեկնածուների թվում է Անդոնի Իրաոլան, ով, ըստ լրատվամիջոցների տեղեկությունների, կարող է լքել «Բորնմութը» մրցաշրջանի ավարտին։
Խաբի Ալոնսոն նախկինում եղել է «Ռեալ Մադրիդի» գլխավոր մարզիչը, բայց աշխատանքից ազատվել է։ «Չելսիում», վերջերս տեղի ունեցած անձնակազմի վերադասավորումներից հետո, ժամանակավորապես գլխավոր մարզիչ է նշանակվել Քալում Մաքֆարլեյնը։
Նախկինում The Telegraph-ը հայտնել էր, որ Օլիվեր Գլասները և Ֆիլիպե Լուիսը «Չելսիի» մարզչական թեկնածուների ընդլայնված ցուցակում են։
Լոնդոնյան ակումբը ներկայումս զբաղեցնում է Պրեմիեր լիգայի աղյուսակի իններորդ հորիզոնականը։
