Սամվել Կարապետյանը՝ որպես զտարյուն հայ, Հայաստանին ծառայելը համարում է գերակա շահ. Մամիկոն Ասլանյան
Սամվել Կարապետյանն արդեն սկսել է երկու երկրների քաղաքացիություններից հրաժարվելու գործընթացը, այս մասին դատարանի բակում ասաց «Ուժեղ Հայաստան» կուսակցության անդամ Մամիկոն Ասլանյանը։
«Սամվել Կարապետյանը ՀՀ-ին ծառայելը համարում է գերակա շահ և շարունակում է փոփոխությունների այն ընթացքը, որ բերելու է ինքն իր հետ։ Ամեն անգամ երբ գալիս ենք դատարան, մտածում ենք շուտ գանք, մեքենայի կամ կանգնելու տեղ լինի, բայց ի հեճուկս մեր մտածածի, գալիս և տեսնում ենք, որ հոծ բազմությունը, մեքենաների մեծ խցանումները կիլոմետրերի են հասնում։
Սա վկայում է այն մասին, որ չնայած մեր մրցակիցը, ախոյանը, բացասական առումով հանճարեղ է, բայց պատմության մեջ այդպես է. ինչքան ազդեցությունը մեծանա, այնքան զսպանակի նման մեծանալու է հակազդեցությունը»։
Հիշեցնենք՝ Հակակոռուպցիոն դատարանում ընթանում է Սամվել Կարապետյանի դեմ քրեական գործով առաջին դատական նիստը, նրա աջակիցները դատարանի բակում են։
