Հորմուզի նեղուցին որևէ ռազմանավի մոտեցումը կհամարվի հրադադարի ռեժիմի խախտում. ԻՀՊԿ
Իսլամական հեղափոխության պահապանների կորպուսի (ԻՀՊԿ) ռազմածովային ուժերը հայտարարել են, որ, հակառակ թշնամական որոշ պաշտոնյաների կեղծ հայտարարությունների, Հորմուզի նեղուցը գտնվում է ողջամիտ վերահսկողության տակ և բաց է քաղաքացիական նավերի անվտանգ անցման համար՝ հատուկ կանոններին համապատասխան։ Այս մասին հայտնում է Fars-ը։
«Ցանկացած պատրվակով որևէ ռազմանավի մոտեցումը Հորմուզի նեղուցին կհամարվի հրադադարի ռեժիմի խախտում։ Նման դեպքում կձեռնարկվեն կոշտ միջոցներ»,- նշել է ԻՀՊԿ-ն։
