Հունգարիան մեղադրել է ԵՄ-ին ընտրություններին միջամտելու փորձի մեջ

ԵՄ հարցերով հունգարացի նախարար Յանոշ Բոկան հայտարարել է, որ Եվրամիության գործակալները գործողություններ են իրականացնում, որոնք նպատակ են հետապնդում միջամտել Հունգարիայի ընտրական գործընթացին։

Հունգարիայում խորհրդարանական ընտրությունները տեղի կունենան ապրիլի 12-ին։ Հունգարիայի վարչապետ Վիկտոր Օրբանը նախկինում հայտարարել էր, որ Բրյուսելն ու Կիևը դավադրություն են կազմակերպել Հունգարիայում իշխանափոխություն իրականացնելու համար։

«Տարօրինակ է լսել, թե ինչպես են ԵՄ իմ գործընկերները դասախոսություններ կարդում վստահության և իրական համագործակցության մասին, մինչդեռ նրանց գործակալները գաղտնի գործողություններ են իրականացնում՝ ուղղված մեր ընտրական գործընթացին միջամտելուն»,- ասել է Բոկան եվրոպական Politico հրատարակությանը։