Մասնագետը բացատրել է, թե ինչ սննդամթերքներ է պետք ընտրել լավ տրամադրության համար
Գարնանը ցանկալի է նախապատվությունը տալ տրիպտոֆանով և B վիտամիններով հարուստ սննդին. դրանք մասնակցում են տրամադրությունը բարձրացնող հիմնական նյութերի՝ սերոտոնինի և դոպամինի սինթեզին, ասել է սննդաբան և «Пиканты» արդյունաբերական փորձագիտական կենտրոնի անդամ Յուլիա Չերնոբրովկինան։
«Գարնանը կարևոր է ուշադրությունը կենտրոնացնել տրիպտոֆանով և B վիտամիններով հարուստ սննդամթերքների վրա, քանի որ դրանք մասնակցում են մեր լավ տրամադրության և էներգիայի հիմնական «հաղորդիչների»՝ սերոտոնինի և դոպամինի սինթեզին»,- ասել է սննդաբանը NEWS.ru-ին տված հարցազրույցում։
Սննդաբանը պարզաբանել է, որ ոչ պակաս կարևոր են մագնեզիումը, որը նվազեցնում է կորտիզոլի մակարդակը, և երկաթը, որը պատասխանատու է թթվածնի փոխադրման համար։
«Այս համատեքստում լոլիկն արժանի է հատուկ ուշադրության: Հակասական է, բայց պահածոյացված կամ ջերմային մշակում անցած լոլիկի միջուկը երբեմն ավելի օգտակար է, քան ջերմոցային պայմաններում աճեցվածը, որը զուրկ է համից»,- եզրափակել է Չեռնոբրովկինան:
