Բժիշկը բացահայտել է գիշերը վատ քնելու գլխավոր պատճառը
Նեղ երկտեղանոց մահճակալները կարող են տարիներով փչացնել քնի որակը՝ կարծում է մասնագետ և բժիշկ Ռոման Բուզունովը: Նա aif.ru-ին տված հարցազրույցում նշել է գիշերը վատ քնելու պատճառներից մեկը:
Բուզունովը նշել է, որ երկտեղանոց մահճակալների մեծ մասը 140-160 սանտիմետր լայնություն ունի: Նրա կարծիքով, այս տարածքը հաճախ չափազանց փոքր է երկու մեծահասակների համար: «Յուրաքանչյուրին տրվում է 70-80 սանտիմետր: Նեղ տարածքին գումարվում է նաև կողակցի շուռ գալը, խռմփացնելը»,- բացատրել է բժիշկը:
Քնի մասնագետը շեշտել է, որ համատեղ քնելը ունի իր առավելությունները: Օրինակ՝ քնելուց առաջ գրկախառնությունն ու մտերմությունը օգնում են մարդկանց ավելի արագ քնել:
Բժիշկը զույգերին խորհուրդ է տվել կամ առանձին քնել, կամ ընտրել առնվազն 180 սանտիմետր լայնությամբ, իսկ որ առավել ցանկալի է՝ 200-220 սանտիմետր լայնությամբ մահճակալ:
