Հետախուզվող տղամարդիկ հայտնաբերվել են
Քրեական ոստիկանության գլխավոր վարչության ծառայողները հետախուզվողների վերաբերյալ ստացած երեք օպերատիվ տեղեկություն իրացրին մեկ օրում՝ փետրվարի 27-ին։
Քրեական ոստիկանության Երևան քաղաքի վարչության գործընկերների հետ ձեռնարկած օպերատիվ-հետախուզական միջոցառումների շնորհիվ մայրաքաղաքի Մոսկովյան փողոցում հայտնաբերվեց Տիգրան Մեծի պողոտայում հաշվառված 45-ամյա տղամարդ։ ՌԴ իրավապահների կողմից հունվարի 19-ից նա հետախուզվում էր շրջակա միջավայրի պաշտպանության կաննոների խախտման, առանց նշանագրերի կիրառման ապրանքների տեղափոխման ու վաճառքի, վճարային գործիքների ապօրինի շրջանառության և հանցավոր ճանապարհով ձեռք բերված միջոցների կամ գույքի օրինականացման մեղադրանքով։
Հաջորդ դեպքով քրեական ոստիկանները համագործակցեցին Համայնքային ոստիկանության Էրեբունու բաժնի ծառայողների հետ։
Մայրաքաղաքի Խանջյան փողոցում հայտնաբերվեց և բաժին բերման ենթարկվեց ՌԴ քաղաքացի 23-ամյա տղամարդ, որն անցած տարվա սեպտեմբերի 19-ից ՌԴ իրավապահների կողմից հետախուզվում էր սպանության և անձի առևանգման մեղադրանքով։
Երկու դեպքով էլ տեղյակ են պահվել հետախուզում նախաձեռնողները։
