Ուկրաինայում hակամարտության կարգավորման շուրջ բանակցությունների նոր փուլը կարող է անցկացվել մարտի 5-ից 8-ը. Զելենսկի
Ուկրաինայում հակամարտության կարգավորման շուրջ բանակցությունների նոր փուլը կարող է անցկացվել մարտի 5-ից 8-ը. առայժմ հանդիպումը ոչ ոք չի չեղարկել, հայտնել է Զելենսկին։ Այս մասին հայտնում է ՌԻԱ նովոստի-ն։
«Հանդիպումը նախատեսվում էր մարտի 5-ից 8-ն ընկած ժամանակահատվածում։ Հանդիպումը ծրագրված էր Աբու Դաբիում։ Առայժմ այսօրվա ռազմական գործողությունների պատճառով մենք չենք կարող հաստատել, որ հանդիպումը կլինի հենց Աբու Դաբիում, բայց, այդուհանդերձ, ոչ ոք այն չի չեղարկել»,- Զելենսկու խոսքերն է մեջբերում Ուկրինֆորմ գործակալությունը։
Նրա խոսքով՝ բացի Աբու Դաբիից, հանդիպման հնարավոր հարթակ կարող են դառնալ Թուրքիան կամ Շվեյցարիան։
«Մենք միանշանակ կաջակցենք այս երեք հարթակներից (ԱՄԷ, Թուրքիա, Շվեյցարիա) ցանկացածին հանդիպման համար, սակայն սպասում ենք գործընկերների պատասխանին»,- հավելել է Զելենսկին։
