Պենտագոնն իր փակ ցանցում կօգտագործի OpenAI-ի արհեստական բանականության մոդելները
Ամերիկյան OpenAI-ի ղեկավար Սեմ Ալտմանը հայտարարել է, որ ընկերությունը համաձայնության է եկել Պենտագոնի հետ՝ արհեստական ինտելեկտի իր մոդելները գործակալության «գաղտնի ցանցում» օգտագործելու համար։
Հայտարարությունը հրապարակվել է այն բանից հետո, երբ ԱՄՆ նախագահ Դոնալդ Թրամփը հրամայել էր դաշնային գործակալություններին անհապաղ դադարեցնել Anthropic տեխնոլոգիայի օգտագործումը, որը հակասություններ ունի Պենտագոնի հետ՝ ռազմական նպատակներով իր տեխնիկական լուծումների օգտագործման հարցում։
«Մենք համաձայնության եկանք Պատերազմի նախարարության հետ՝ մեր մոդելները նրանց գաղտնի ցանցում տեղակայելու վերաբերյալ»,- գրել է Ալտմանը Х սոցիալական ցանցում։
