Մեծ Բրիտանիան իր դիվանագետներին տարհանել է Իրանից
Մեծ Բրիտանիան տարհանել է Իրանում իր դեսպանատան աշխատակիցներին՝ տարածաշրջանում ռազմական դիմակայության սպառնալիքի պատճառով. նշված է բրիտանական կառավարության կայքում։
«Բրիտանական անձնակազմը ժամանակավորապես տարհանվել է Իրանից։ Մեր դեսպանատունը շարունակում է աշխատել հեռավար»,- նշված է հայտարարությունում։
Միացյալ Նահանգները զգալի ուժեր, այդ թվում՝ երկու ավիակիր հարվածային խմբեր է կենտրոնացրել Մերձավոր Արևելքում։
ԱՄՆ վարչակազմը փետրվարի 19-ին հայտարարել էր, որ Իրանի հետ համաձայնություն պետք է ձեռքբերվի առավելագույնը 15 օրվա ընթացքում։
