Ղազախստանն իր քաղաքացիներին խորհուրդ է տվել չմեկնել Իրան, իսկ այնտեղ գտնվողներին՝ լքել երկիրը
Իրանի շուրջ շարունակվող լարվածության պատճառով Ղազախստանի արտաքին գործերի նախարարությունը խորհուրդ է տվել իր քաղաքացիներին ժամանակավորապես ձեռնպահ մնալ Իսլամական Հանրապետություն այցելելուց մինչև իրավիճակի կայունացումը. հաղորդում են ղազախական լրատվամիջոցները։
Ղազախստանի արտաքին գործերի նախարարությունը նաև կոչ է արել քաղաքացիներին ուշադիր պլանավորել իրենց ուղևորությունները Մերձավոր Արևելքի երկրներ՝ հաշվի առնելով ստեղծված իրավիճակը և դրա հնարավոր սրացումը։ Իրանում Ղազախստանի դիվանագիտական ներկայացուցչությունները գործում են սովորականի պես։
