Վրաստանի ֆինանսների նախարարությունը պարզաբանել է հայկական բեռնատարների հետ կապված իրավիճակը
Վրաստանի ֆինանսների նախարարությունը պարզաբանել է Կոբիում խցանված հայկական բեռնատարների հետ կապված իրավիճակը. գրում է Սպուտնիկ Արմենիա կայքը:
«Արհեստական խոչընդոտներ չկան. իրականացվում են ստանդարտ մաքսային վերահսկողության ընթացակարգեր։ Փուլային մաքսազերծումն արդեն սկսվել է և կշարունակվի»,– Վրաստանի Ֆիննախից վստահեցրել են Սպուտնիկ Արմենիային։
Նաև ընդգծել են, որ հայ վարորդների նկատմամբ խստացված կամ հատուկ վերահսկողական միջոցառումներ չեն կիրառվում. խոսքը բացառապես ստանդարտ մաքսային ընթացակարգերի մասին է:
