ԱՄՆ-ն Մերձավոր Արևելք է ուղարկել ավելի քան 50 կործանիչ. NYT
ԱՄՆ-ն Մերձավոր Արևելք է ուղարկել ավելի քան 50 կործանիչ և երկու ավիակիր խումբ, հաղորդում է The New York Times-ը՝ հղում անելով ամերիկացի պաշտոնյաներին։ Axios-ը նշում է, որ ԱՄՆ-ն կարող է «շատ շուտով» Իրանի դեմ գործողություն սկսել, որը կարող է լինել նաև Իսրայելի հետ համատեղ:
Ըստ CNN-ի՝ ամերիկյան ուժերը կարող են հարձակման դիմել մինչև շաբաթվա վերջ: Միաժամանակ լրատվամիջոցը նշում է, որ Թրամփը դեռ պետք է վերջնական որոշում կայացնի:
«ԱՄՆ Կենտրոնական հրամանատարության կողմից տարածաշրջանում տեղակայվել են տասնյակ լցանավեր, ավելի քան 50 լրացուցիչ կործանիչ ինքնաթիռներ և երկու հարվածային խմբեր՝ ուղեկցող ականակիրներով, հածանավերով և սուզանավերով»,- ասվում է The New York Times-ի հոդվածում։
Ամերիկացիներն այժմ ի զորու են լարվածության սրման դեպքում պաշտպանվել Իրանի հնարավոր պատասխանից, սակայն ավելի երկարատև արշավի հաջողությունը մնում է հարցականի տակ։ Հոդվածում նշվում է, որ ազգային անվտանգության պաշտոնյաները զգուշացրել են նախագահ Դոնալդ Թրամփին այս մասին։
