Յուրգեն Կլոպը հրաժարվել է Անգլիայում աշխատանքից՝ չնայած «Մանչեսթեր Յունայթեդի» և «Չելսիի» հետաքրքրությանը
«Լիվերպուլի» նախկին մարզիչ Յուրգեն Կլոպի գործակալ Մարկ Կոսիցկեն մեկնաբանել է գերմանացի մասնագետի՝ մարզչական աշխատանքին վերադառնալու մասին լուրերը: Կլոպը լքել է «Լիվերպուլի» մարզչի պաշտոնը 2024 թվականի ամռանը և ներկայումս զբաղեցնում է Red Bull ընկերության ֆուտբոլային գծով գլոբալ ղեկավարի պաշտոնը։
«Մինչև Red Bull-ին միանալը, Յուրգենը կարող էր մարզել ԱՄՆ-ի կամ Անգլիայի ազգային հավաքականները։ Հնարավոր է՝ նույնիսկ Գերմանիայի, եթե Յուլիան Նագելսմանն այնտեղ չլիներ։ Նույնիսկ «Չելսին» և «Մանչեսթեր Յունայթեդը» հարցումներ են արել, չնայած Յուրգենը հստակ հայտարարել է, որ չի մարզելու Անգլիայի որևէ այլ ակումբ։ Այս հարցումները շարունակվում են»,- Կոսիցկեի խոսքերն է մեջբերում Transfermarkt-ը:
