Հայտնաբերվել է ապօրինի որսացած ավելի քան 1 տոննա ձուկ

ՆԳՆ ոստիկանության պարեկային ծառայությունը նոյեմբերի 21-ից դեկտեմբերի 23-ն ընկած ժամանակահատվածում հայտնաբերել և առգրավվել է ապօրինի որսացած՝ 1000 կիլոգրամից ավելի 2613 ձուկ։

Այս մասին հայտնում են Ոստիկանությունից, մանրամասնելով նաև, որ հայտնաբերել և առգրավել են 13 նավակ, 63 ցանց, նավակի շարժիչներ և թիեր։

Կառույցից հիշեցնում են, որ ձվադրման շրջանում Սևանա լճում ապօրինի ձկնորսությամբ զբաղվելը նախատեսում է վարչական ու քրեական պատասխանատվություն: