Բժիշկը համեմատել է սև և կանաչ թեյի օգտակար հատկությունները
Գաստրոէնտերոլոգ Եկատերինա Կաշուխը համեմատել է սև և կանաչ թեյի օգտակար հատկությունները: ՌԻԱ Նովոստիին տված հարցազրույցում նա բացահայտել է, որ որոշիչ գործոնը թեյի տեսակը չէ, այլ ըմպելիքի թնդությունը։
«Կանաչ և սև թեյերը ստացվում են նույն բույսից: Միակ տարբերությունը ֆերմենտացման աստիճանն է»,- բացատրել է բժիշկը: Նա պարզաբանել է, որ կանաչ թեյը պարունակում է ավելի շատ կատեխին տեսակի հակաօքսիդանտներ, իսկ ահա սև թեյը հարուստ է թեաֆլավիններով, որոնք ունեն հակաօքսիդանտային հատկություններ:
Կաշուխի խոսքով՝ ըմպելիքի օգտակար հատկությունները կախված չեն թեյի տեսակից, այլ դրա պատրաստման եղանակից։ Գաստրոէնտերոլոգը բացատրել է, որ չափազանց թունդ թեյը (թե՛ սև, թե՛ կանաչ), հատկապես դատարկ ստամոքսին խմելիս, կարող է այրոց առաջացնել և բացասաբար ազդել երկաթի կլանման վրա։
Այնուամենայնիվ, նա պարզաբանել է, որ զգայուն ստամոքս ունեցող մարդկանց համար թունդ կանաչ թեյը հաճախ ավելի վնասակար է, քան սև թեյը։
