Բայրամովը Պետքարտուղարության ներկայացուցչի հետ քննարկել է Հայաստանի հետ հարաբերությունների կարգավորման հարցը
Ադրբեջանի արտգործնախարար Ջեյհուն Բայրամովն ընդունել է ԱՄՆ Պետքարտուղարության Եվրոպայի և Եվրասիայի հարցերով բյուրոյի ավագ խորհրդական Ուայեթ Թոլքինին և Ադրբեջանում ԱՄՆ գործերի ժամանակավոր հավատարմատար Էմի Կարլսոնին։
Ըստ Ադրբեջանի ԱԳՆ-ի՝ հանդիպմանը քննարկվել են ադրբեջանա-ամերիկյան հարաբերությունները, ռազմավարական գործընկերության խարտիայի պատրաստման համար ռազմավարական աշխատանքային խմբի ստեղծմանն առնչվող փոխըմբռնման հուշագրից բխող հարցերը, Ադրբեջանի և Հայաստանի միջև հարաբերությունների կարգավորման գործընթացը և Վաշինգտոնյան համաձայնագրերի իրականացումը, ինչպես նաև փոխադարձ հետաքրքրություն ներկայացնող տարածաշրջանային և միջազգային անվտանգության հարցերը։
Նշվել է, որ երկու երկրների ներկայացուցիչների և պաշտոնական պատվիրակությունների փոխադարձ այցելությունները կարևոր դեր են խաղում հարաբերությունների զարգացման գործում։
