Մխիթարյանը ընդգրկվել է հայտացուցակում
Միլանի «Ինտերը» իր պաշտոնական կայքում ներկայացրել է թիմի ամբողջական հայտացուցակը Չեմպիոնների լիգայի 2025/26 մրցաշրջանի լիգայի փուլի հանդիպումների համար։
Թիմը ընդգրկում է երեք դարպասապահ՝ Յան Զոմեր, Ռաֆայելե Դի Ջենարո և Խոսեպ Մարտինես։ Պաշտպանների շարքում ընդգրկված են Դենզել Դումֆրիսը, Ստեֆան դե Վրայը, Ֆրանչեսկո Աչերբին, Մանուել Ականջին, Ալեսանդրո Բաստոնին և ևս մի քանի ֆուտբոլիստներ։
Կիսապաշտպանների թվում են Հենրիխ Մխիթարյանը, Նիկոլո Բարելան, Հական Չալհանօղլուն, Պիոտր Զիելինսկին և այլ խաղացողներ։ Հարձակվողների շարքում ընդգրկված են Լաուտարո Մարտինեսը, Մարկուս Թյուրամը, Լուիս Էնրիկեն և Անժե Բոնին:
