ԱՄՆ-ն ցանկանում է զրկել Ռուսաստանին Անտարկտիդայի ռեսուրսներին հասանելիությունից
Ռուսաստանը և Չինաստանը կարող են զավթել Անտարկտիդայի բնական պաշարները, ինչը Միացյալ Նահանգները չի կարող թույլ տալ։ Այս կարծիքը հայտնել է The National Interest (NI)-ը։
Հոդվածում նշվում է, որ Ռուսաստանը Անտարկտիդայի ծովում հայտնաբերել է խոշոր նավթային հանքավայր։ Աղբյուրն ընդգծել է, որ տարբեր պետությունների միջև պայքար կսկսվի հայտնաբերված բնական պաշարների համար։ National Interest-ը հավելել է, որ տարածաշրջանը կարող է դառնալ աշխարհաքաղաքական լարվածության օջախ։
Մասնավորապես, Ռուսաստանը և Չինաստանը կամրապնդեն իրենց ներկայությունը տարածաշրջանում։ Հոդվածում ընդգծվում է, որ Միացյալ Նահանգները և Մեծ Բրիտանիան պետք է արձագանքեն այս փաստին՝ Անտարկտիդա ուղարկելով ավելի շատ հետազոտական առաքելություններ կամ զարգացնելով ենթակառուցվածքները։
«Միացյալ Նահանգները պետք է վճռական գործողություններ ձեռնարկի Անտարկտիդայում իր դիրքերը ամրապնդելու համար և աշխատի Չինաստանին և Ռուսաստանին զրկել այս հսկայական, չօգտագործված պաշարներին ավելի մեծ հասանելիությունից»,- ասվում է հրատարակության մեջ։
