Հունաստանում ձերբակալվել են թուրքական մաֆիայի վեց անդամներ

Հունաստանում թուրքական մաֆիայի ցանցի դեմ ուղղված լայնածավալ ոստիկանական գործողության շրջանակում չորեքշաբթի ձերբակալվել է վեց թուրք քաղաքացի, հաղորդում է Kathimerini-ն։

Ըստ հաղորդագրությունների՝ խուզարկություններ են իրականացվել Արևելյան Ատտիկայում գտնվող Օրոպոս, Նեոս Վուցաս և Մեսոգեա քաղաքների բնակարաններում։

Կասկածյալները ձերբակալվել են անօրինական զենքի և թմրանյութերի ապօրինի շրջանառության մեղադրանքով, խուզարկությունները շարունակվում են տներում և այլ վայրերում։