Հնդկաստանը ողջունում և բարձր է գնահատում Պուտին-Թրամփ հանդիպմանը ձեռք բերված առաջընթացը
Հնդկաստանը ողջունում է Ռուսաստանի Դաշնության և ԱՄՆ-ի նախագահներ Վլադիմիր Պուտինի և Դոնալդ Թրամփի հանդիպումը, որը տեղի է ունեցել Ալյասկայում։ Ինչպես հաղորդում է ՌԻԱ Նովոստին, այս մասին հայտարարել է Հնդկաստանի արտաքին գործերի նախարարության պաշտոնական ներկայացուցիչ Ռանդխիր Ջայսվալը։
«Հնդկաստանը ողջունում է ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև Ալյասկայում կայացած գագաթնաժողովը։ Նրանց` խաղաղության ձգտումն արժանի է բարձր գովասանքի», – նշել է բարձրաստիճան դիվանագետը։
Նրա խոսքով՝ Հնդկաստանը բարձր է գնահատում գագաթնաժողովում ձեռք բերված առաջընթացը։
«Առաջ գնալու ճանապարհը կարող է լինել միայն երկխոսության և դիվանագիտության միջոցով։ Աշխարհը ցանկանում է, որ Ուկրաինայի հակամարտությունն արագ ավարտվի», – ասել է նա։
