«Եկեղեցու նկատմամբ հարձակումների բնույթը շատ ավելի ծանր է, քան զրպարտությունը. Ինքներդ ձեզ հարցրեք՝ ի՞նչ է փորձում թաքցնել կառավարությունը». Ամստերդամ
«Եկեղեցու նկատմամբ հարձակումների բնույթը շատ ավելի ծանր է, քան զրպարտությունը: Զրպարտությունը կպրիմիտիվացներ երևույթը: Սա սահմանադրական հիմնարար խնդիր է, որը պետք է կանգնեցնել դատական և, միգուցե, միջազգային մարմինների կողմից արագ գործողություններով»,- այսօր լրագրողների հետ հանդիպմանն ասաց միջազգային հայտնի իրավաբան Ռոբերտ Ամստերդամը:
Ըստ նրա՝ հաճախ կառավարությունները նման գործելակերպ ցուցաբերում են, երբ փորձում են ուշադրություն շեղել.
«Հայաստանում, հնարավոր է, կան խնդիրներ, որոնցից կառավարությունը ցանկանում է շեղել ձեր ուշադրությունը: Չգիտեմ:
Ես կարող եմ ենթադրել, բայց ես հայաստանյան քաղաքական գործիչ չեմ և հայաստանյան քաղաքականություն դեռևս չեմ ուսումնասիրում, բայց համոզված եմ, որ դրա ուսումնասիրությանն էլ եմ հասնելու: Նման մարտավարությունը սովորաբար փորձ է ձեր ուշադրությունը շեղելու կառավարության գործողություններից: Կարող եք ձեզ հարցնել՝ ի՞նչ է կառավարությունը փորձում թաքցնել այս հարձակումների միջոցով, ինչի՞ց են վախենում»:
