ՀՀ արտաքին քաղաքական գործընթացները միտված են մի բանի՝ վերարտադրել Նիկոլի իշխանությունը. Աշոտյան
ՀՀԿ փոխնախագահ Արմեն Աշոտյանի կարծիքով՝ ՀՀ արտաքին քաղաքական գործընթացները միտված են մի բանի՝ վերարտադրել Նիկոլ Փաշինյանի իշխանությունը:
«Մեր խնդիրը ՌԴ-ի, ԱՄՆ-ի կամ Իրանի շահը չէ, մեր խնդիրն այն է, որ մենք մեր շահը չենք ուզում պաշտպանել: ՀՀ արտաքին քաղաքական գործընթացները միտված են մեկ բանի՝ վերարտադրել Նիկոլ Փաշինյանի իշխանությունը, ուրիշ ոչ մի բանի: Նիկոլ Փաշինյանն ունի ունիկալ հատկություն՝ գործընկերներին սարքել թշնամի, ռազմավարական դաշնակիցներին սարքել անտարբեր, և Իշխան Սաղաթելյանն է լավ ասում՝ մտածել, որ կարելի է թշնամիներից ստանալ գործընկերներ: Դա չի լինելու: Դա հակաբնական է: ՀՀ այսօրվա քաղաքականությունը հակաբնական է: Այն, ինչ հակաբնական է, չի կարող երկար կյանք ունենալ, և այդ անբնականության գինը մենք ենք վճարելու՝ որպես հասարակություն»,- այսօրվա ասուլիսին ասաց նա:
Նա շեշտեց՝ պետք է փոխել օվերտոնի պատուհան բերողին, մնացածը՝ հետևանք է. «Եթե ընդդիմությունը շարունակի պայքարել հետևանքների դեմ, երբեք գլխավոր նպատակին չի հասնելու»:
Մանրամասները՝ տեսանյութում
