Արարատի մարզում «Լադա»-ն հայտնվել է բնակելի տան խորդանոցի վրա՝ փլուզելով այն
Այսօր՝ օգոստոսի 3-ին, ավտովթար է տեղի ունեցել Արարատի մարզում։ Ժամը 13։20-ի սահմաններում Տափերական գյուղի գլխավոր փողոցում՝ բենզալցակայանի դիմաց բախվել են Արարատի մարզի բնակիչներ 32-ամյա Գոռ Մ․-ի վարած ՎԱԶ 2107 մակնիշի և 26-ամյա Կարապետ Գ․-ի վարած «Լադա» մակնիշի ավտոմեքենաները։
Ինչպես հայտնում է shamshyan.com-ը, բախման հետանքով «Լադա»-ն դուրս է եկել երթևեկելի գոտուց, անցել բազալտե եզրաքարի վրայով, ապա կոտրել բնակչի տան երկաթե ցանցով ճաղավանդակը և, գլխիվայր շրջվելով, հայտնվել խորդանոցի վրա: Բախման հետևանքով, ըստ նախնական տեղեկությունների տուժածներ չկան։
Օպերատիվորեն ժամանել են ՀՀ ներքին գործերի նախարարության փրկարար ծառայության Արտաշատի հրշեջ փրկարարական ջոկատից՝ 1 մարտական հաշվարկ, պարեկները։
Վարորդները ենթարկվել են սթափության փորձաքննության, եղել են սթափ։
