ՄԱԳԱՏԵ-ի տեսուչները Զապորոժիեի ԱԷԿ-ում և Էներգոդարում ստուգել են ԱԹՍ-ով գրnհների վայրերը
ՄԱԳԱՏԷ-ի տեսուչները Զապորոժիեի հրշեջ մասում և Էներգոդարում ստուգել են ԱԹՍ–ներով գրոհների վայրերը։ Այս մասին հայտնում է ԱԷԿ-ի մամուլի ծառայությունը։
«Այսօր Զապորոժիեի ատոմային էլեկտրակայանի աշխատակիցները Ատոմային էներգիայի միջազգային գործակալության (ՄԱԳԱՏԷ) տեսուչներին ցույց են տվել երեկվա գրոհների վայրերը»,- ասվում է հաղորդագրության մեջ:
Նշվում է, որ գործակալության ներկայացուցիչներին ցույց են տվել նաև Էներգոդար քաղաքի այն վայրը, որտեղ հարվածների հետևանքով խաղաղ բնակիչներ են մահացել։
Հիշեցնենք` հուլիսի 26-ին ուկրաինական դրոնը զինամթերք է նետել Զապորոժիեի ԱԷԿ-ի հրշեջ կայանի մոտակայքում գտնվող կայանատեղիում, հրդեհ է բռնկվել, վնասվել են մի քանի ավտոմեքենաներ, այրվել է նաև չոր բուսականությունը: Անձնակազմը չի տուժել։
