Դոնալդ Թրամփը մեղադրել է դեմոկրատներին Լոս Անջելեսի հրդեհներից տուժածների համար նախատեսված 100 մլն դոլարի անհետացման մեջ
ԱՄՆ նախագահ Դոնալդ Թրամփը Truth Social սոցիալական ցանցում կտրուկ հայտարարություն է հրապարակել, որում քննադատել է «FireAid» հրդեհներից տուժածներին օգնության նախաձեռնությունը՝ այն անվանելով «լիակատար ձախողում» և «դեմոկրատների ոգեշնչած հերթական խաբեություն»։
Թրամփի խոսքով՝ Լոս Անջելեսի հրդեհներից տուժածների համար նախատեսված 100 մլն դոլարը անհետացել է, իսկ հրդեհները կարող էին կանխվել պատշաճ կառավարման դեպքում։
Նա նաև մեղադրել է Կալիֆոռնիայի նահանգապետ Գևին Նյուսոմին նահանգի հյուսիսից և Խաղաղ օվկիանոսի հյուսիս-արևմուտքից միլիարդավոր գալոն ջուր բաց թողնելուց հրաժարվելու համար, ինչը, Թրամփի պնդմամբ, կարող էր զգալիորեն փոխել իրավիճակը։
ԱՄՆ նախագահը հավելել է, որ ինքն անձամբ է կարգադրել ապաարգելափակել այդ ջրային ռեսուրսները։
Բացի այդ, Թրամփը հայտարարել է, որ շինարարության համար բոլոր դաշնային թույլտվությունները արդեն տրվել են, սակայն քաղաքային իշխանությունները «տարիներով ուշանում են» վերականգնողական աշխատանքներից։ Նա կոչ է արել անհապաղ հաստատել նախագծերը և «մարդկանց տալ շինարարության թույլտվություններ»։
