Զեյնալյանին կփոխարինի Ղշյանը

Երևանի ավագանու «Հանրապետություն» խմբակցությունում Արտակ Զեյնալյանին կփոխարինի «Հանրապետություն» կուսակցության ընտրական ցուցակի հերթական հաջորդ թեկնածու Լինա Ղշյանը։

ՀՀ կենտրոնական ընտրական հանձնաժողովը Արտակ Զեյնալյանի հրաժարականից հետո թափուր մանդատը տրամադրել է Լինա Ղշյանին։

Արտակ Զեյնալյանը վայր էր դրել Երևանի ավագանու անդամի մանդատը, քանի որ ՀՀ կառավարությունը նրա թեկնածությունն առաջադրել էր ՀՀ Սահմանադրական դատարանի դատավորի պաշտոնում։ Զեյնալյանը հունիսի 19-ին խորհրդարանի կողմից ընտրվեց ՍԴ դատավոր։