Հայաստանը ԵՄ-ին անդամակցելու հայտ չի ներկայացրել, բանակցություններ չեն վարվում. Արարատ Միրզոյան
Հայաստանը Եվրամիությանն անդամակցելու հայտ չի ներկայացրել, և այդ ուղղությամբ բանակցություններ չեն վարվում։ Այս մասին ՌԴ ԱԳ նախարար Սերգեյ Լավրովի հետ համատեղ ասուլիսի ժամանակ հայտարարեց ՀՀ արտգործնախարար Արարատ Միրզոյանը՝ պատասխանելով ռուս լրագրողի հարցին։
Լրագրողը նշեց, որ պաշտոնական Երևանը հայտարարել է, թե ձգտում է ԵՄ անդամակցության, որը բավականին թշնամաբար է վերաբերում ՌԴ-ին, ՀՀ առևտրաշրջանառությունը հիմնականում ՌԴ-ի ու ԵԱՏՄ-ի հետ է, այդ դեպքում ինչպե՞ս է ՀՀ–ն պատրաստվում համատեղել ԵԱՏՄ-ն և ԵՄ ինտեգրումը։
«ՀՀ-ն ԵՄ անդամակցության հայտ չի ներկայացրել, այդ ուղղությամբ բանակցություններ չեն վարվում, հետևաբար հարցը, որ կարող էր ծագել նման զարգացումների պարագայում, տեղին չէ ու չեմ կարող դատողություններ անել»,- հայտարարեց Միրզոյանը։
