Իսրայելը նոր թափով է սկսել ռմբակոծել Գազան. զոհվել է ավելի քան 100 պաղեստինցի
Իսրայելի ուժերը շարունակում են ռմբակոծել Գազայի հատվածը՝ առավոտից սպանելով առնվազն 101 պաղեստինցու: Զոհերից 36-ը գրանցվել է, այսպես կոչված, «անվտանգ գոտում»՝ Ալ-Մավասի փախստականների ճամբարում, գրում է aljazeera.com-ը։
Հարձակման ուժգնացումը տեղի է ունենում այն ժամանակ, երբ Իսրայելը պատրաստվում է նոր ցամաքային հարձակման Գազայում և վերսկսում հրադադարի շուրջ բանակցությունները ՀԱՄԱՍ-ի հետ Կատարում։
Ընդհանուր առմամբ, 2023-ի հոկտեմբերից ի վեր Իսրայելի ռազմական գործողությունների հետևանքով Գազայում զոհվել է առնվազն 61,700 և վիրավորվել 120,673 մարդ՝ ըստ Գազայի առողջապահության նախարարության տվյալների։ Միևնույն ժամանակ կան հազարավոր անհետ կորածներ, որոնք գտնվում են փլատակների տակծ։
