Արամ Ա-ն Բեյրութում հանդիպել է Ռուս ուղղափառ եկեղեցու բարձրաստիճան հոգևորականների հետ
Մեծի տանն Կիլիկիո Արամ Ա կաթողիկոսը Բեյրութում հանդիպել է Մոսկվայի և համայն Ռուսիո պատրիարք Կիրիլին ներկայացնող բարձրաստիճան հոգևորականների պատվիրակության հետ։ Տեղեկությունը հայտնում է Մեծի տանն Կիլիկիո կաթողիկոսությունը։
Նշվում է, որ հանդիպումը կայացել է օդանավակայանում, քանի որ պատվիրակությունը Բեյրութ է հասել այսօր առավոտյան, իսկ այդ ժամերին Արամ Ա–ն պետք է մեկներ Կահիրե։
«Կողմերը քննարկել են Մեծի Տանն Կիլիկիո կաթողիկոսությանն ու ռուսական եկեղեցուն վերաբերող հարցեր»,–նշված է հաղորդագրության մեջ։
Հիշեցնենք՝ օրեր առաջ Արամ Ա–ն հանդիպել էր Լիբանանում Ռուսաստանի դեսպան Ալեքսանդր Ռուտակովի և Սիրիայում ռուսական համայնքի առաջնորդ Հայր Ֆիլիպի հետ։
