Հայ ընտանիքը դարերով եղել է մեր ազգի գոյության ու ամրության խարիսխը. Նաիրի Սարգսյան
«Հայաստանը ես եմ» նախաձեռնության ղեկավար Նաիրի Սարգսյանը ֆեյսբուքյան իր էջում գրում է. «Սիրելի հայրենակիցներ,
Շնորհավորում եմ Ընտանիքի միջազգային օրը՝ արժևորելով այն միջավայրը, որտեղ ձևավորվում են մեր արմատները, արժեքները և մարդ լինելու էությունը։
Հայ ընտանիքը դարերով եղել է մեր ազգի գոյության ու ամրության խարիսխը։ Մեր սերունդները միշտ մեծացել են սրբազան հարգանքով՝ ծնողների, ավանդույթների ու հայրենիքի հանդեպ։
Հայ ընտանիքի ամրությունը ոչ միայն սիրո ու հոգատարության վրա է կառուցված, այլև՝ փոխվստահության, զոհողության և միասնականության։ Ընտանիքն է այն փոքր հայրենիքը, որտեղ սկսվում է հայ մարդու ինքնության ձևավորումը։
Այսօր, ինչպես երբեք, կարևոր է պահպանել և զարգացնել մեր ընտանեկան արժեքները՝ հենվելով անցյալի ժառանգության վրա ու քայլելով դեպի ապագա՝ պատասխանատվությամբ ու սիրով։
Շնորհավոր Ընտանիքի միջազգային օրը։ Թող յուրաքանչյուր հայ ընտանիք զորանա սիրո, ջերմության, միասնության մեջ՝ խաղաղ, հզոր և լուսավոր հայրենիքում»։
