Լավրովի այցը Հայաստան մշակման փուլում է․ Զախարովա
ՌԴ արտգործնախարար Սերգեյ Լավրովի այցը Հայաստան մշակվում է։ Ամենշաբաթյա ճեպազրույցի ժամանակ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովային հարցրել են, թե հայտնի՞ են արդյոք Լավրովի` մայիսին սպասվող այցի ամսաթիվն ու օրակարգը, և արդյոք այն կապված է Սյունիքում Ռուսաստանի հյուպատոսության բացման հետ։
«ՌԴ արտգործախարար Սերգեյ Լավրովի հայաստանյան այցի վերաբերյալ կարող եմ ասել, որ այն մշակվում է։ Մենք անպայման ձեզ մանրամասն տեղեկատվություն կտրամադրենք», – ասել է Զախարովան։
Նրա խոսքով՝ ավելի ուշ կներկայացվեն նաև մանրամասներ հարցի երկրորդ մասի վերաբերյալ։
Ավելի վաղ ՌԴ արտգործնախարարի առաջիկա այցի մասին հայտնել էր ՀՀ ԱԳՆ–ն։
