Ուկրաինան Իտալիայից 2,5 միլիարդ եվրո է ստացել
Իտալիան 2,5 միլիարդ եվրո է նվիրաբերել Ուկրաինային ռազմական և հումանիտար կարիքների համար։ Այս մասին ասվում է այդ երկրի արտաքին գործերի նախարարության հայտարարության մեջ։
Կիևը ստացել է մոտ 1 միլիարդ եվրո փախստականների համար, 310 միլիոն եվրո՝ պետական բյուջեին աջակցելու համար և 93 միլիոն եվրո՝ մարդասիրական գործունեության համար, նշել են դիվանագիտական գերատեսչությունում։
Իտալիայի ԱԳՆ-ն հավելել է, որ աջակցությունը տրամադրվել է Եվրամիության ընդհանուր միջոցներով։
