Գառնիկ Չոլակյանը՝ ծանրամարտի Եվրոպայի առաջնության բրոնզե մեդալակիր
Քիշնևում անցկացվող ծանրամարտի Եվրոպայի առաջնությունում տղամարդկանց 61 կգ քաշայինների պայքարում Հայաստանի ներկայացուցիչ, Եվրոպայի Մ23 առաջնության կրկնակի չեմպիոն Գառնիկ Չոլակյանը 275 կգ արդյունքով նվաճեց երկամարտի բրոնզե մեդալ (124+151):
Նա պոկում վարժությունում առաջին մոտեցումը ձախողեց, որի համար Փաշիկ Ալավերդյանը պատվիրել էր 123 կգ: Երկրորդ մոտեցմամբ Չոլակյանը պոկեց 124 կգ, երրորդ մոտեցման համար պատվիրված 129 կգ-ը ձախողեց: Այս վարժությունում Չոլակյանը նվաճեց փոքր արծաթե մեդալ:
Հրում վարժությունում Չոլակյանը մեկնարկեց 151 կգ, բայց չկարողացավ բարձրացնել: Երկրորդ մոտեցմամբ հաջողությամբ հրեց 151 կգ-ը: Երրորդ մոտեցման համար պատվիրված 153 կգ-ը ձախողեց: Այս վարժությունում գրավեց 4-րդ տեղը:
