Սվետիցխովելիի տաճարի տանիքին փայտամած կկառուցեն
Վրաստանի Մցխեթա քաղաքում գտնվող Սվետիցխովելիի տաճարում, որտեղ մարտի 22-ին հորդառատ անձրևից հետո տանիքից ջուր էր լցվել, Մշակութային ժառանգության գործակալությունը հետազոտական և վերականգնողական աշխատանքների համար փայտամած է կառուցելու։ Այս մասին գրում է aliq.ge-ն։
Գործակալությունն այս աշխատանքը կատարելու համար մասնագետներ չունի, նաև տեխնիկա չունի, և համապատասխան ծառայությունը, հավանաբար, կգնի «Գումբաթի դա Գալվանի» ՍՊԸ-ից. գնման արժեքը 24 հազար 522 լարի է, որից 13 հազար 266 լարին նախատեսված է աշխատողների աշխատավարձի համար։
«Անհրաժեշտ է իրականացնել առաջնային վթարային/կանխարգելիչ աշխատանքներ տանիքածածկ տարածքները վերանորոգելու, մթնոլորտային տեղումների մուտքը Սվետիցխովլիի տաճարի ներսը դադարեցնելու և հուշարձանի հետագա վնասումից խուսափելու համար»,- այսպես է հիմնավորվել գործակալության գնման անհրաժեշտությունը:
Գնումից չի երևում, որ գործակալությունն ուսումնասիրություն է կատարել կամ փայտամածի նախագիծ է պատրաստել։
Սվետիցխովելիի տաճարը 11-րդ դարի վրացական ճարտարապետության հուշարձան է, որը Ջվարիի և Սամթավրո վանքերի հետ միասին ՅՈՒՆԵՍԿՕ-ի համաշխարհային մշակութային ժառանգության ցանկում է։
