Պատժամիջոցներից հետո Կոբախիձեն հանդիպել է դատավորներին
Մեծ Բրիտանիայի կողմից վրացի դատավորներ Լևան Մուրուսիձեի և Միխեիլ Չինչալաձեի նկատմամբ պատժամիջոցների սահմանումից հետո «Վրացական երազանք»-ի կառավարության ղեկավարը հանդիպել է Արդարադատության բարձրագույն խորհրդի անդամներին և Գերագույն դատարանի դատավորներին։ Այս մասին գրում է aliq.ge-ն։
Հանդիպումից հետո Կոբախիձեն ասել է, որ խոսակցությունը ծավալվել է դատարանի անկախության շուրջ, և «կառավարությունը հնարավորինս սկզբունքային է լինելու» այդ հարցը պաշտպանելիս։
Կոբախիձեն անդրադարձել է պատժամիջոցների թեմային՝ ասելով, որ վրացի դատավորների նկատմամբ պատժամիջոցների կիրառումը ողբերգական է ոչ թե իրենց, այլ պատժամիջոցներ կիրառող երկրների համար։
«Դատարանի անկախությունը մեր երկրի ինքնիշխանության հիմնաքարերից մեկն է, և, հետևաբար, մենք հնարավորինս սկզբունքային ենք լինելու»,- լրագրողներին ասել է Իրակլի Կոբախիձեն դատական իշխանության ներկայացուցիչների հետ հանդիպումից հետո։
